يا ترى ايه الحاجة اللي الراجل ده مصمم يرفضها وبسببها بيتعرض لكل الضغوط دي؟
ده لغز غريب على فكرة
اللي بيحصل بالتزامن ده مش طبيعي، من يومين الكونجرس بيتكلم عن حجب المساعدات العسكرية، وقبلها اسم مصر يظهر في قضية فساد مزعومة وقائعها حصلت من سنين فجأة كده!
والجديد بيان البرلمان الأوروبي..
بس ده بقى بيان هزلي بكل معاني الكلمة!
البيان بيطالب بالإفراج عن هشام قاسم، اللي هو محبوس علشان شتم شخص معارض أصلا وهو كمال أبو عيطة، فالراجل استعمل حقه القانوني وبلغ عنه.. فازاي بقى نطبق القانون على الأستاذ هشام؟ الراجل ده مُستثنى من أحكام القانون بمادة دستورية في مجلة ما تزوقيني يا ماما!
البرلمان الأوروبي شايف إن مصر مضيقة على (المرشح) أحمد الطنطاوي، اللي هو أساسا لسه مش مرشح والدولة سايباه يلف كل المحافظات ويتكلم مع الناس عادي جدا.. طب نعمل ايه علشان مانضيقش عليه؟ نعلن فوزه قبل الانتخابات؟ حلوة الصيغة دي؟
اللطيف إن هما بيتكلموا عن “تهم مطاطة” بتوجه لمعارضي الرأي وبتنتهك حقوق الإنسان، مع إن كلمة حقوق الإنسان دي هي اللي بقت كلمة مطاطة ومش مفهومة.. يعني من حقوق الإنسان إن واحد يشتم واحد تاني وياخد حكم ونتجاهله عادي؟
لو حضرتك مش شايف إن اللي بيحصل غريب فمحتاج تراجع نفسك.. ولو حضرتك مقتنع إن السيسي خايف وشعبيته منهارة فمحتاج تراجع نفسك لإن لو النظام بيقع فعلا ماكنش حصل كل الصياح ده وكنا اتسابنا نغرق في هدوء.. إنما الراجل ده واقف ومزرجن في حاجة أو يمكن حاجات، واللي بيحصل ده ردا على مواقفه، بس احنا معاه وهنفضل معاه، هو أقوى بينا واحنا أقوى بيه..
#معاك_ياريس
